ზღვის ლომების ოჯახი ქართულ აუქციონზე იყიდება

შავი ზღვის ფლორისა და ფაუნის შემსწავლელი სამეცნიერო-კვლევითი ცენტრი, eAuction-ზე განთავსებული განცხადების მეშვეობით, საქართველოში, კერძოდ ბათუმში დაბადებულ ხუთ ზღვის ლომს ყიდის. სამეცნიერო-კვლევითი ცენტრის შემადგენლობაში ბათუმის დელფინარიუმიც შედის.

აუქციონზე ზღვის ლომების საწყისი ფასი 100 ათასი ევროა. თითოეულ ზღვის ლომს თავისი სახელი და წარმოშობის სერტიფიკატი აქვს – სოსო, ჯონი და პელე ორი წლის არიან, გიგი – სამის, გუდუ კი – ოთხის.

აუქციონის პირობებში მითითებულია, რომ შემძენმა ზღვის ლომების ღირებულება სრულად უნდა გადაიხადოს ხელშეკრულების გაფორმებიდან 15 კალენდარული დღის ვადაში. ასევე, შესაძლებელია მათი დათვალიერება სამუშაო დღეებში 10-დან 17 საათამდე

წყარო: On.Ge