ახმეტის მუნიციპალიტეტში მონადირეთა ჯგუფი გამოავლინეს, რომლებსაც მოკლული და გატყავებული ჰყავდათ 3 ცალი გარეული ღორი


გარემოსდაცვითი ზედამხედველობის დეპარტამენტის კახეთის რეგიონული სამმართველოს გარემოსდაცვითი პატრულირებისა და სწრაფი რეაგირების განყოფილების თანამშრომლებმა უკანონო ნადირობის ფაქტი გამოავლინეს.

დეპარტამენტის თანამშრომლებმა, ოპერატიული ინფორმაციის საფუძველზე, ახმეტის მუნიციპალიტეტში მონადირეთა ჯგუფი გამოავლინეს, რომლებსაც მოკლული და გატყავებული ჰყავდათ 3 ცალი გარეული ღორი.

გარემოზე მიყენებულმა ზიანმა 3000 ლარი შეადგინა.

საქმე შეიცავს სისხლის სამართლის დანაშაულის ნიშნებს და მასალები შემდგომი რეაგირებისთვის შესაბამის საგამოძიებო ორგანოებს გადაეგზავნება.

ყურადღება! მოიწონეთ ჩვენი გვერდი და მიიღეთ სიახლეები პირველმა