ამტყელი

tbebiამტყელი (აზანთა) — ტბა აფხაზეთში გულრიფშის მუნიციპალიტეტში. ზღვის დონიდან 507 მ. ზედაპირის ფართობი 0,58 კმ², აუზისა — 153 კმ², სიღრმე 64 მ. წლის განმავლობაში წყლის დონის მკვეთრი მერყეობის გამო (30-35 მ) ცვალებადია ტბის ზედაპირის ფართობი და სიღრმე. ამტყელი წარმოიშვა 1891 წლის 3 ოქტომბერს, როცა მთა პატარა შხაპაჭის ფერდობის ჩამოქცევის შედეგად აქ გზა ჩაეხერგა მდინარე ამტყელს.
ამტყელი საზრდოობს თოვლითა და წვიმით. წყლის დონე მაღალია გაზაფხულის ბოლოსა და ზაფხულის დასაწყისში, დაბალია – ზამთარში. ტბას ერთვის მდინარე ამტყელი. ამტყელის წყალი ცივია, ზაფხულობით ზედაპირზე მისი ტემპერატურაა 18-20 °C, ფსკერთან 5 °C. იყინება მხოლოდ სუსხიან ზამთარში.
ამტყელში ბინადრობს კალმახი, წვერა, ტობი, ფრიტა და სხვა თევზი.

მდებარეობა: საქართველო, გულრიფშის მუნიციპალიტეტი
სიმაღლე ზღვის დონიდან 507 მ
ფართობი 0,58 კმ²
მაქსიმალური სიღრმე 64 მ
აუზის ფართობი 153 კმ²

ყურადღება! მოიწონეთ ჩვენი გვერდი და მიიღეთ სიახლეები პირველმა